राष्ट्रवादीचे नेते अजित पवार यांच्या वाढदिवसानिमित्त युवकच्या वतीने आरोग्य तपासणी शिबीर

पिंपरी : “राज्याचे विरोधी पक्ष नेते अजित पवार व राष्ट्रवादी काँग्रेसचे ज्येष्ठ नेते माजी महापौर योगेश बहेल यांच्या वाढदिवसानिमित्त राष्ट्रवादी युवक काँग्रेस तर्फे मोफत आरोग्य शिबिराचे आयोजन” करण्यात आले आहे.

पिंपरी येथील सावित्रीबाई फुले ग्रंथालय येथे प्रभाग क्रमांक 17 व 18 यातील नागरिकांसाठी मोफत कान नाक घसा व नेत्र तपासणी आरोग्य शिबिराचे आयोजित करण्यात आले. यावेळी २२० नागरिकांनी नागरिकांनी शिबिराचा लाभ घेतला.

यावेळी बोलताना योगेश बहेल म्हणाले”पिंपरी चिंचवडचे विकास पुरुष विरोधी पक्षनेते अजितदादा पवार यांच्या वाढदिवसानिमित्त राष्ट्रवादी काँग्रेस पक्षाच्या सर्व सेल तर्फे शहरात येत्या पूर्ण महिनाभर लोकोपयोगी कार्यक्रम पक्षाद्वारे राबवले जातील. राष्ट्रवादी युवक काँग्रेस शहराध्यक्ष इम्रान शेख यांच्या नेतृत्वात अतिशय चांगल्या प्रकारे काम करत असून येणाऱ्या काळात अनेक लोकोपयोगी कार्यक्रम राष्ट्रवादी काँग्रेस तर्फे घेतले जातील.राष्ट्रवादी काँग्रेस पक्ष नेहमीच गोरगरीब लोकांच्या पाठीमागे उभा राहिला आहे. सर्व शहरातील नागरिकांच्या प्रश्नांचे निराकरण करणे हे आमचे कर्तव्य असून आम्ही पिंपरी चिंचवड शहराचा विकास कसा होईल यासाठी प्रयत्नशील असतो. पिंपरी चिंचवड मध्ये जो काही विकास झाला आहे तो आदरणीय अजितदादा पवार यांच्या संकल्पनेतून राष्ट्रवादी काँग्रेसनेच केला आहे व यावेळेस येणाऱ्या निवडणुकीत राष्ट्रवादी काँग्रेस पक्षाचा झेंडा महापालिकेवर शहराध्यक्ष अजित गव्हाणे यांच्या नेतृत्वात आम्ही नक्कीच फडकवणार जगाला हेवा वाटेल असं शहर पिंपरी चिंचवडला बनवणार असे ते म्हणाले.

यावेळी बोलताना युवक अध्यक्ष इम्रान शेख म्हणाले “कष्टकरी, कामगार, अंग मेहनत करणारे नागरिक हे नेहमीच आपला आजारपण अंगावर काढत असतात काही नागरिक इच्छा असताना देखील डॉक्टरांची फीस जास्त असल्यामुळे दवाखान्यात जात नाहीत त्यांच्या भावना समजून राष्ट्रवादी युवक काँग्रेस तर्फे हे मोफत आरोग्य शिबिर घेण्यात आले व इथून पुढे प्रत्येक रविवारी वेगवेगळ्या वार्डात प्रभागात अशा प्रकारचे आरोग्य शिबिर चे आयोजन राष्ट्रवादी युवक काँग्रेसच्या पदाधिकारी करून होणार आहे.

या शिबिराचे उद्घाटन माजी महापौर योगेश भाई बहल,राष्ट्रवादी काँग्रेस पक्षाच्या महिलाअध्यक्ष कविताताई आल्हाट, माजी शिक्षण मंडळ सभापती विजय लोखंडे यांच्या हस्ते करण्यात आले. यावेळी माजी नगरसेवक समीर दादा मासुळकर, माजी नगरसेविका गीता ताई मंचरकर,माजी नगरसेवक नारायण बहिरवडे, युवा नेते वीरेंद्र बहल, ज्ञानेश्वर कांबळे,राष्ट्रवादी ख्रिश्चन सेल महिला अध्यक्ष रेजिना फ्रान्सिस, अश्विनी कांबळे, रीमा रंजन राष्ट्रवादी युवक काँग्रेसचे पिंपरी विधानसभा अध्यक्ष आयुष निंबारकर, शहर उपाध्यक्ष अमोल रावळकर, तुषार ताम्हणे, लवकुश यादव, सरचिटणीस दीपक गुप्ता, अनुज देशमुख, शहर सचिव कुणाल कडू, ओम शिरसागर, मयुर खरात, समाधान अचलखांब,विजय शिंगाडे, प्रकाश गवई, निलेश लोंढे, धनराज चौधरी,यांच्या उपस्थितीत करण्यात आले.या कार्यक्रमाचे आयोजन राष्ट्रवादी युवक काँग्रेसचे शहर सचिव अमोल बेंद्रे यांनी केले.