चिंचवडची रमाबाई जगभर वाजविणार महाराष्ट्र संस्कृतीचा डंका

– नऊवारी नेसून दुचाकीवरून जगभ्रमंतीचा निर्धार
– खासदार श्रीरंग बारणे यांच्या पुढाकाराने पंतप्रधान नरेंद्र मोंदींची घडवली भेट

पिंपरी, दि. 24 (प्रतिनिधी) – चिंचवडची रमाबाई जगभर वाजविणार महाराष्ट्र संस्कृतीचा डंका वाजविणार आहे. महिला दिनानिमित्त नऊवारी नेसून दुचाकीवरून जगभ्रमंती करणार आहे. त्यांच्या या उपक्रमाचे पंतप्रधान नरेंद्र मोदी यांनी कौतुक केले आहे. मावळचे खासदार श्रीरंग बारणे यांच्या माध्यमातून रमाबाईंची दिल्लीत पंतप्रधान मोंदी यांच्यासोबत भेट घडवून आणली. या वेळी संपूर्ण देश तुझ्यासोबत आहे, काय अडचण आल्यास संपर्क साधण्याचे आवाहन करत पंतप्रधान मोदी यांनी रमाबाईला पुढील प्रवासासाठी शुभेच्छा दिल्या, अशी माहिती खा. बारणे यांनी दिली.

चिंचवड येथील रहिवासी असलेल्या रमिला लटपटे अहिल्या फाउंडेशन या स्वयंसेवी संस्थेच्या माध्यमातून महिला आणि तरुणांच्या सक्षमीकरणासाठी कार्यरत आहेत. रायझिंग एबल मॅनकाईंड ऑल राऊंड या जगभ्रमंती मोहिमेअंतर्गत त्या जगभ्रमंती करत आहेत. मुंबईतील गेट-वे-ऑफ इंडिया येथून त्यांच्या भ्रमंतीच्या प्रवासाचा 9 मार्च रोजी प्रारंभ झाला. त्या 8 मार्च 2024 ला पुन्हा भारतात परतणार आहे.

चिंचवडमधील 27 वर्षीय उच्चशिक्षित तरुणी रमिला लटपटे नऊवारी नेसून, नथ घालून 40 देशात जगभ्रमंती करत आहे. पुढील वर्षीच्या 8 मार्च रोजी ती भारतात परत येणार आहे. भारतीय संस्कृतीचे दर्शन जगभर घडविणार आहे. मतदारसंघातील असल्याने तिला मी पूर्णपणे सहकार्य करत आहे. पंतप्रधान नरेंद्र मोदी यांची भेट घेवून पुढील प्रवास करण्याची विनंती रमाबाईने माझ्याकडे केली होती. त्यानुसार पंतप्रधान मोदी यांच्याकडे वेळ मागितली. पंतप्रधान मोदी यांनी तत्काळ वेळ दिली आणि भेट झाली.
– श्रीरंग बारणे, खासदार, मावळ लोकसभा.